الرابط العجيب

طبعا اللعبة واضحة من العنوان
اسمها الرابط العجيب
كل عضو بيدخل لهاد الموضوع بدو يعطينا رابط بين شغلتين طبعا اهم شي بالموضوع يكون الرابط طوييييل وسخيــ...عفوا وجميل
المهم
نبدأ بالموضوع
بدنا الرابط بين الجاجة والسما
يالله لنشوف الابداع
طبعا اللي بحط الرابط ما ينسى يكتب شغلتين واهم شي يكونو ما الهم علاقة ببعض ههههههه

الرابط بين الجاجة والسما
اممممممممممم؟!؟!؟
اوكي سهلة
الجاجة بتبيض بيضة وتفقس صوص صح؟
الصوص فيه حرف الصاد
والسما فيها حرف السين
والسين والصاد من حروف اللغة العربيه بينهم 3 بيوت بس..... قصدي حروف
س ش ص

طيب الرابط بين الموبايل والببسي ههههههه

الموبايل بدو حدا يحكي فيه
اذا حكى كثر بنشف ريقه
و اذا نشف ريقه ببطل يجمع
و ممكن يدعثر بتنكة ببسي
إلي بتعلب فيها اللببسي
ههههههههه

حلوه منك ههههه
طيب اعطي شغلتين نربط بينهم

صح دور اكتب رابط
الرابط بين التلفون و البندوره
(ابوك يا الجوع)

ولاء كتب:

صح دور اكتب رابط
الرابط بين التلفون و البندوره
(ابوك يا الجوع)

ههههههههههههههه
حلوة ابوك يا الجوع

التلفون في منه الوان احمر واخضر واصفر وابيض
هل الرابط بين البندورة والتلفون انه التلفون لونه اخضر وهو بيشبة لون الخيار يلي بينفرم مع البندورة لحتى نعمل سلطة ههههههههه


الرابط بين الكمبيوتر والبسة

البندورة تباع في محلات الخضرة
وفي محل الخضرة واحد بنادي (( بندورة خيار بطاطا .. الخ ) المهم
علشان تسمع الناس هاد الشخص بكون معو مكبر صوت
هاد المكبر بيعمل على تضخيم الامواج الصوتية
والتلفون يعمل على تحويل الامواج الصوتية الى امواج كهرومغناطيسية هههه قلبناها اتصالات
المهم الرابط بين خفاقة البيض والمسامير

فالحة يا snow white
ما شاء الله عنك
عيييييييييييب امشي ع الدور

شو يا خولة كل واحد بدوره يحكي ههههه
يا جماعة وين الكنترول انا اعترض واشجب واستنكر

snow white كتب:

شو يا خولة كل واحد بدوره يحكي ههههه
يا جماعة وين الكنترول انا اعترض واشجب واستنكر

طيري بلا اعترض بلا بطيخ

شو قلبتوها بسطه

ولاء كتب:

شو قلبتوها بسطه

هههههههههه
طيب خلص توبه يا ولاء
بدي الرابط بين
الكمبيوتر والبسة
يالله

حراحشة كتب:

snow white كتب:

شو يا خولة كل واحد بدوره يحكي ههههه
يا جماعة وين الكنترول انا اعترض واشجب واستنكر

طيري بلا اعترض بلا بطيخ

بالله بالله


يالله الرابط بين البسة والكمبيوتر
البسة بتحب الفيران والكمبيوتر فيو فارة ههههه بعرف رابط بايخ بس ما اجا ببالي غيرو

لمين هدول؟!؟!؟!؟
بعدين اكتبيلك رابطين يا فالحة
طالعة لجدتي

ههههههه الله يخليلك جدتك
بعدين وحياة جدتي بقبرها اني كتبت رابط قبل بس انتي عقلك مو معك هههههههه
المهم برجع بعيدو الرابط بين خفاقة البيض والمسامير
والله ما بعرف شو مالني عالجاج والبيض

خفاقة البيض والمسامير؟!؟!؟
البيض من الجاج وبينخفق بالخفاقة والبيض بنشترية من السوق
بنروح للسوق بالسيارة
السيارة بنشرت يا حرااااااام
السبب من المسمار

الله يوخذني ماشي شو هالروابط يا snow white

بعدين عجبتني وحياة جدتي بقبرها

الرابط بين
الباب والبحر

الباب مصنوع من الخشب
والخشب يتكاثر بالبحار ههههههه بمزح
المهم في دول ما بكون عندهم اخشاب لانو ما عندهم شجر وغابات لانو ما بنزل عندهم امطار لانهم بمناطق صحراوية
طيب هاي الدول لازم تستورد الاخشاب
فبتم شحنها عن طريق السفن والبواخر
واللي هي موجودة بالبحر
ههههههه كيف الرابط

طيب بدي الرابط بين الكيبورد والتكسي

الكيبورد والتكسي
حرف الكاف ههههههههه

لا جد
سايق التكسي ابو عبد الله ابنه الكبير خلدون بيدرس بالجامعة
لا يروح فكركوا لبعيد ما بيدرس كمبيوتر لا سمح الله بيدرس رياضة
صاحبة خديجة ههههه بيشتغل بمحل كميوتر
وسبحان الله الكمبيوتر اله كيبورد


الرابط بين الولد والخشب

يا سبحان الله .. ولله في خلقه شوؤن معقول وصلت لهاي الدرجة يصنعو كمبيوتر والو كيبورد
ههههههه
طيب الولد والخشب
هاد ام علي الله يخليلها ابنها علي
ولد صغير وشاطر كتير بيلقطها عالطاير
المهم وهي بتتسلى مع الجارات
اجت جارتهم بعتت علي يشتري الهم تسالي
فعلي ماشالله عليه راح ركض عالدكانة اجت ام علي حكت
ماشالله ابني كبر دقو عالخشب ههههههههههههه
انتبهتو للرابط منيح .. هي قصة صارت مش رابط
طيب اعطوني الرابط بين
الغيمة والمفتاح

الغيمة والمفتاح
اموت دعس شو هاد هههههههه

الغيمة بتنزل شتا وكان ابو محمود وابنه رحمه ههههههه بالشارع وتبلبلوا ضاع مفتاح السيارة بس الحمد لله لقوه لما وصلوا البيت ما لقوا مفتاح البيت وضلوا بالشارع

طيب الرابط بين التخت والضفدع

الغيمه بتتكون من بخار الماء (الغيمه الجذر منها غيم اسي ابيض النا زمان عنو بقولو في احدى الروايات انو بالشتويه بنزل مي)
و المي اسي مهم للحياه و اكيد في المطبخ
و المطبخ جزء منالبيت (ولا عمركو شفتو مطبخ من دون بيت؟)
و البيت إلو مفتاح
يالله بدي الرابط بين عجل السياره و عجل البقره

عجل السياره و عجل البقره
هههههههههه
شو هاااااد؟

البقرة عنها عجل والعجل بدو اكل والاكل بجيبوا بالسيارة بس ما دخل عجل السيارة هون
صاحب المزرعة بشتغل بعد الضهر مكانيكي وبركب عجال للسيارة

ما حكيتولي الرابط بين التخت والضفدع
بدنا نراعي ضروف ولاء المسكينة لانها حاليا متمركزة فوق جزيرة قبرص ويكون ربيعي شتوي والبحر نص نص ودرجات الحرارة العظمى سالب 4 والصغرا 50 ........ سوري تداخل خطوط
متمركزة بالكرك الابية والنت عندها طيارة زياده عن اللزوم

التخت للنوم وموضوع عند الشباك الشرقي وفي بركة مية مشان نسقي الشجر والضفدع بطلع بالليل وبصير يعمل زق زق زوق زق زق زق هههههههههههههههههههههههههه

الرابط بين الكنترول والسايق